Pedagogë të Univeristetit të Vlorës, Departamenti i Drejtësisë, gjatë muajit maj, zhvilluan një vizitë studimore në Universitetin e Salentos, Itali, me temë “AI in Education: Ethics, Innovation, and Practical Implementation” në kuadër të zbatimit të projektit EDUFAIR, së bashku me partnerë nga Shqipëria dhe Kosova.
Përfaqësues të këtij Departamenti, pasi u njohën me eksperiencën e Universitetit të Salentos mbi sfidat dhe risitë që sjellë aplikimi i Inteligjencës Artificiale në Edukim, diskutuan më gjerësisht rreth impaktit të inteligjencës artificiale në procesin e mësimdhënies dhe mësimnxënies, si dhe mbi implementimin e strategjive efektive si, Plani i Veprimit mbi Edukimin Digjital (2021-2027). Shkëmbimi i njohurive me stafin akademik të Universitetit të Salentos, ishte një përvojë e vlefshme në kuadrin e eksplorimit dhe garantimit të mëtejshëm të rregullave etike në përdorimin e moderuar të inteligjencës artificiale.
Gjatë vizitës studimore u inkurajua diskutimi i hapur, u propozuan zgjidhje konkrete dhe u ndërtuan ura bashkëpunimi për Universitetin e Vlorës në të ardhmen. Në fjalën e mbajtur, Koordinatorja e Projektit Prof. Asoc. Jonida Mehmetaj, ndër të tjera, prezantoi dhe ofertën akademike të Departamentit të Drejtësisë, duke ftuar studentët e pranishëm të zgjidhnin programet tona të studimit, të cilat janë konkurruese dhe në përputhje me ekzigjencat e tregut të punës.
Konsolidimi i bashkëpunimit mes universiteteve do të vijojë të intensifikohet edhe në ëorkshop-in e radhës, i cili do të mbahet në Fakultetin e Shkencave Humane, si pjesë thelbësore e ndërveprimit akademik dhe gjithëpërfshirjes së aktorëve politikbërës, shoqërisë civile dhe strukturave të biznesit, të cilat tashmë e kanë të ndërlidhur agjendën e tyre me inteligjencën artificiale.
Projekti “Përparimi i arsimit të lartë cilësor në Ballkanin Perëndimor përmes lehtësimit të Integrimit të IA në Mësimdhënie, Mësimdhënie dhe Kërkim” – #EDUFAIR (Numri i projektit 101175331) është një projekt ambicioz, me një konsorcium prej 8 partnerësh nga Ballkani Perëndimor dhe BE, të financuar nga Programi i Edukimit të Lartë në Tiranë të Evropës.
Partnerët:
UNIVERSITETI “ISMAIL QEMALI”, VLORE
SCiDEV
KOLEGJI PROFESSIONAL I TIRANËS
QENDRA SHKENCE DHE INOVACION PER ZHVILLIM CCIS
QENDRA PER STUDIME KRAHASUESE DHE NDERKOMBETARE
UNIVERSITETI “FAN S NOLI”
UNIVERSITETI KADRI ZEKA,
KOLEGJI UNIVERSUM
UNIVERSITA DEL SALENTO
UNIVERSITETI I STUDIMEVE TË BIBLIOTEKAVE DHE TEKNOLOGJIVE TË INFORMACIONIT
